Ej saye pons vous, mais mi j’ai cor du ma à m’armette du confinage. Ch’est à dire que pindant l’confinage, sous prétesque que j’y cassos les pieds à ête toudis dins ses gambes, Phonsine alle trouvot sins arrêt d’quoi m’occuper. Un coup à finir sur les rotules ! J’ai r’peinye, ar’tapissaïe tout l’caillon, triaïe les placards, débarassaïe el garage, rappropriaïe el gardin, et j’in passe…Bref ej sus usaïe. Déconfinaïe j’espéros pouvoir em rapurer un peuw, et bin non !
On est comme les bistrots on a r’prind no tournéye ! Alors si ô voulez r’prinde une bonne pinte ed rire, v’là note programme, pons électoral bin sûr, quoique ! Phonsine alle réfléchit à s’présinter. Alle s’rot pétête pons pire eq certains…Alle fait partie d’aucun parti mais alle pourrot ête ed la partie passe qu’alle minque pons d’répartie. Quand on y parle ed d’l’augmintation du prix d’l’électricitéye alle répond qu’alle est bin continte ed pons avoir épousaïee une lumière…Pour el gaz c’est pareil on réduit no consommation, ui y a d’plus in plus d’iauw dins l’gaz…
O pourrez l’vérifier in v’nant nous vir, à bintôt,
Eugène
« CONFINAGE ET DECONFITURE » :
- OUTREAU: 30 OCTOBRE 20H30 et 31 OCTOBRE 15H30 salle du Phénix. Réservation au 03.21.80.49.53 jusqu’au vendredi 29 octobre 12H00 puis sur place 1 heure avant le début du spectacle
- MONTREUIL: 12 et 13 NOVEMBRE au Théâtre Tel : 06/73/78/72/14
« Y MINQUENT PONS D’AIR »:
- SAINT-OMER : 6 NOVEMBRE à la Salle Vauban. Réservation à l’APEI de Saint-Martin-Au-Laert les 20, 22,.27, 29 octobre 14h 17h
- PHALEMPIN 6 NOVEMBRE : réservation au 03.20.62.23.40 mail : regie@phalempin.fr
- CAMBRIN : 3 DECEMBRE : Réservation au : 03.21.26.92.83
PS : N’OUBLIEZ PONS ED CANGER L’HEURE ED VOT REVEL EL WEEKEND PROCHAIN !!